మిత్రుడా రారమ్ము మైత్రితో పార మార్థికమైన మాటల్ వచింతు మన్ననతో విను Lyrics - mano
Singer | mano |
Composer | Shri. Devadas Mungamuri |
Music | Jonah Samuel |
Song Writer | Shri. Devadas Mungamuri |
Lyrics
మిత్రుడా రారమ్ము - మైత్రితో పార - మార్థికమైన - మాటల్ వచింతు - మన్ననతో విను
పూర్వ జన్మము నందు - పూర్తిగా పాపిని
అందుకె ఈ బాధ - పొందుచునున్నాను
అని యిట్లు మనస్సులో - అనుకొననే వద్దు
అది నిజమే యైన - అది కూడ పోగొట్టు
రక్షకుడున్నాడు - తత్క్షణమె రమ్ము ఆయన మానవుడై
నట్టి దేవుండు ఈ మాట నమ్మిన - ఎంత ధన్యుండవు
మనస్సులో ముద్రించు - కొని శాంతి పొందుము
ఈ జన్మమున గూడ - ఎన్నెన్నో పాపాలు
చేసియున్నందున - చివరకు నరకంబె
అని ఆత్మయందున - ఆలోచనెందుకు
అవి సిల్వపై యేసు - అంతరింప జేసె
ఆ వృత్తాంతంబును - ఆనందమున నమ్మి
సుఖముగ నుండుము సూక్ష్మ మార్గంబిది
ఎందరెన్నియన్న ఏ మాటల్ వినవద్దు
దేవ వాక్కె నిజము - దిక్కులు చూడకు
దివ్య దేవుడు నిన్ను - దీవించును గాక
భూమి చేసిన వాడు - పోషించును గాక
రక్షకుండౌ క్రీస్తు - రక్షించును గాక
పరమ వైద్యుడు స్వస్థ - పరచు చుండును గాక
పనులన్నిని సఫల - పరచు చుండును గాక
దైవాత్మ ధైర్యంబు - తెచ్చు చుండును గాక
అంతాన మోక్షంబు - అందజేయును గాక
విజయము ఈ పాట - విను వారి కామెన్